அமெரிக்க வெளியுறவுத் துறை தரவுகளின்படி, அதிபர் டொனால்ட் டிரம்ப் தலைமையிலான ஆட்சியில் 2,50,000-க்கும் மேற்பட்ட விசாக்கள் செல்லாததாக்கப்பட்டுள்ளன. இதில் ‘பிறப்பு சுற்றுலா’ (Birth Tourism) சார்ந்த குற்றச்சாட்டுகளுக்காக மட்டும் சுமார் 2,300 விசாக்கள் ரத்து செய்யப்பட்டுள்ளன.
சட்டவிரோதச் செயல்கள், விசா நிபந்தனைகளை மீறியது மற்றும் தகுதியிழப்பு போன்ற பல்வேறு காரணங்களுக்காக இந்த நடவடிக்கைகள் எடுக்கப்பட்டுள்ளன. இது ஒரே நாளில் எடுக்கப்பட்ட நடவடிக்கை அல்ல; டிரம்ப் ஆட்சிக் காலத்தில் படிப்படியாக ரத்து செய்யப்பட்ட மொத்த விசாக்களின் எண்ணிக்கையாகும்.
குற்றவியல் வழக்குகள் மற்றும் விசா ரத்து:
சண்டை சச்சரவுகள், மதுபோதையில் வாகனம் ஓட்டுதல், திருட்டு மற்றும் போதைப்பொருள் வழக்குகள் போன்றவற்றில் சிக்கியோரின் விசாக்களும் ரத்து செய்யப்பட்டுள்ளன. எனினும், சட்ட ரீதியான காரணங்கள் மாறுபடும் என்பதால், விசா ரத்து செய்யப்பட்ட அனைவரும் குற்றவாளிகள் என முடிவெடுத்துவிட முடியாது.
2,300 விசாக்கள் ரத்தான பின்னணி: ‘பிறப்பு சுற்றுலா’ என்றால் என்ன?
குழந்தைக்கு அமெரிக்கக் குடியுரிமை கிடைக்க வேண்டும் என்பதற்காகவே, பிரசவக் காலத்தில் அமெரிக்காவுக்குப் பயணம் மேற்கொள்வதை ‘பிறப்பு சுற்றுலா’ என்பர்.
குழந்தைக்குக் குடியுரிமை பெறுவதே பயணத்தின் முக்கிய நோக்கம் என்று தெரியவந்தால், அத்தகையவர்களின் சுற்றுலா விசா கோரிக்கையை நிராகரிக்கத் தூதரக அதிகாரிகளுக்கு அதிகாரம் அளிக்கும் சட்டத்தை அமெரிக்க வெளியுறவுத் துறை ஜனவரி 2020-இல் நடைமுறைப்படுத்தியது.
அமெரிக்காவின் தீவிரக் கண்காணிப்பு:
விசாக்களை ஆய்வு செய்வதிலும், குடியேற்ற விதிகளை அமல்படுத்துவதிலும் டிரம்ப் நிர்வாகம் காட்டி வரும் தீவிரத்தையே இந்த புள்ளிவிவரங்கள் உணர்த்துகின்றன. இதில் ‘விசா ரத்து’ என்பது ஏற்கனவே வழங்கப்பட்ட விசாவைத் திரும்பப் பெறுவதையும், ‘விசா நிராகரிப்பு’ என்பது புதிய விண்ணப்பத்தை ஏற்க மறுப்பதையும் குறிக்கும். சட்டத்தை அமெரிக்க வெளியுறவுத் துறை ஜனவரி 2020-இல் நடைமுறைப்படுத்தியது.
