தமிழ் சினிமா உலகமே ஆவலோடு எதிர்பார்த்துக் கொண்டிருந்த சூப்பர் ஸ்டார் ரஜினிகாந்தின் 173-வது திரைப்படத்தின் அதிகாரப்பூர்வ அறிவிப்பு இன்று வெளியாகி ஒட்டுமொத்த ரசிகர்களையும் குஷிப்படுத்தியுள்ளது. உலகநாயகன் கமல்ஹாசனின் புகழ்பெற்ற தயாரிப்பு நிறுவனமான ‘ராஜ்கமல் பிலிம்ஸ் இன்டர்நேஷனல்’ (RKFI) இப்படத்தைத் தயாரிக்கிறது.
இப்படத்திற்கு ‘தர்மன்’ என மாஸான தலைப்பு சூட்டப்பட்டுள்ளது. ‘ஓ மை கடவுளே’ மற்றும் 2025-ன் மெகா ஹிட் படமான ‘டிராகன்’ ஆகிய படங்களை இயக்கிய இளம் இயக்குநர் அஷ்வத் மாரிமுத்து இத்திரைப்படத்தை இயக்குகிறார். முன்னதாக சுந்தர் சி மற்றும் சிபி சக்ரவர்த்தி ஆகியோர் இப்படத்தை இயக்குவதாக இருந்து, சில காரணங்களால் அவர்கள் விலகிய நிலையில், தற்போது அஷ்வத் மாரிமுத்து இந்த மெகா ப்ராஜெக்ட்டை கையில் எடுத்துள்ளார்.
ரஜினியின் புதிய அவதாரம்: இத்திரைப்படத்தில் சூப்பர் ஸ்டார் ரஜினிகாந்த் முதன்முறையாக ஒரு முழுநீள மருத்துவர் (Doctor) கதாபாத்திரத்தில் நடிக்கவுள்ளதாகக் கூறப்படுகிறது. ஏழை எளிய மக்களுக்குக் குறைந்த செலவில் மருத்துவ உதவி செய்யும் ஒரு நிஜ வாழ்க்கை மருத்துவரின் கதையைத் தழுவி இப்படம் உருவாகலாம் என சினிமா வட்டாரங்கள் தெரிவிக்கின்றன. அண்மையில் சென்னை RKFI அலுவலகத்தில் நடந்த போட்டோஷூட்டில் ரஜினி ஸ்டெதாஸ்கோப்புடன் கலந்துகொண்டதாகத் தகவல்கள் கசிந்துள்ளன.
நாளை முதல் படப்பிடிப்பு: இப்படத்தின் பூஜா சென்னை ஏவிஎம் ஸ்டுடியோஸில் இன்று நடைபெற்றதைத் தொடர்ந்து, சென்னையின் பூந்தமல்லியில் உள்ள சுந்தர் ஸ்டுடியோஸில் அமைக்கப்பட்டுள்ள பிரம்மாண்ட செட்களில் நாளை முதல் அதிகாரப்பூர்வமாகப் படப்பிடிப்பு துவங்குகிறது. முதற்கட்டமாக சாண்டி மாஸ்டர் நடன அமைப்பில் பாடல் காட்சிகள் படமாக்கப்பட உள்ளன.
அனிருத் இசை: ரஜினிகாந்தின் ஆஸ்தான இசையமைப்பாளராக மாறிவிட்ட ராக்ஸ்டார் அனிருத் ரவிச்சந்தர்இப்படத்திற்கு இசையமைக்கிறார்.
கமல்ஹாசனின் தயாரிப்பில் ரஜினி நடிப்பது, தமிழ் சினிமாவின் தற்போதைய ட்ரெண்ட் இயக்குநர் அஷ்வத் மாரிமுத்துவின் மேஜிக் மற்றும் அனிருத்தின் இசை என ‘தர்மன்’ திரைப்படம் 2027 கோடை விடுமுறைக்கு (Summer 2027) ரிலீசாகும் என எதிர்பார்க்கப்படுகிறது.
