இசையமைப்பாளர் இளையராஜாவின் திரையுலகில் 50 ஆண்டுகால இசைப் பயணத்தை நினைவுகூரும் வகையில், ஆஸ்திரேலிய நாடாளுமன்றத்தில் அவருக்கு சிறப்பு கவுரவம் வழங்கப்பட்டுள்ளது. இதன் ஒரு பகுதியாக அவரது 50 ஆண்டுகால பயணத்தைப் போற்றும் செரிமோனியல் அஞ்சல்தலை வெளியிடப்பட்டது.
50 ஆண்டுகால இசைப் பயணத்துக்கு அங்கீகாரம்:
1976ஆம் ஆண்டு வெளியான ‘அன்னக்கிளி’ திரைப்படத்தின் மூலம் தமிழ் சினிமாவில் இசையமைப்பாளராக அறிமுகமான இளையராஜா, தொடர்ந்து பல மொழித் திரைப்படங்களில் பணியாற்றி வருகிறார். அவரது பொன்விழா ஆண்டை முன்னிட்டு உலகின் பல்வேறு பகுதிகளில் இசை நிகழ்ச்சிகளும் நடைபெற்று வருகின்றன.
ஆஸ்திரேலிய நாடாளுமன்றத்தில் நடைபெற்ற கவுரவ நிகழ்வில் விக்டோரியா அரசின் நிதியமைச்சரும் நாடாளுமன்ற உறுப்பினருமான என்வர் எர்டோகன் எம்.பி. உள்ளிட்ட நாடாளுமன்ற உறுப்பினர்கள் இடம்பெற்றிருந்தனர்.
நெகிழ்ச்சியுடன் பேசிய இளையராஜா:
இந்த கவுரவத்தைத் தொடர்ந்து இளையராஜா தனது நன்றியைத் தெரிவித்தார். தமிழகத்தின் ஒரு சிறிய, தொலைதூர கிராமத்தில் இருந்து தனது இசைப் பயணத்தைத் தொடங்கிய நிலையில், ஆஸ்திரேலிய நாடாளுமன்றத்தில் கவுரவிக்கப்பட்டிருப்பது தனக்கு மிகவும் நெகிழ்ச்சியளிப்பதாக அவர் கூறினார்.
தனது 50 ஆண்டுகால பயணத்தை அஞ்சல்தலை மூலம் நினைவுகூர்ந்ததற்காக என்வர் எர்டோகன் எம்.பி. மற்றும் நாடாளுமன்ற உறுப்பினர்களுக்கு இளையராஜா நன்றி தெரிவித்தார்.
மேலும், தனது இசைப் பயணத்திற்கு பங்களித்த இசைக் கலைஞர்கள், உடன் பணியாற்றியவர்கள் மற்றும் பல தலைமுறைகளாக தனது இசையை ரசித்து வரும் ரசிகர்களையும் அவர் நன்றியுடன் நினைவுகூர்ந்தார்.
இளையராஜாவின் X பதிவு:
இந்த கவுரவம் தொடர்பாக இளையராஜா செப்டம்பர் 22ஆம் தேதி தனது X பக்கத்தில் பதிவிட்டுள்ளார். அதில், அஞ்சல்தலை வெளியீட்டின் மூலம் தனது 50 ஆண்டுகால பயணம் நினைவுகூரப்பட்டதற்கு நன்றி தெரிவித்ததுடன், தனது இசைப் பயணத்திற்கு ஆதரவாக இருந்த கலைஞர்கள் மற்றும் தலைமுறை தலைமுறையான ரசிகர்களையும் குறிப்பிட்டுள்ளார்.
I offer my sincere gratitude to the Honorable Enver Erdogan MP, Minister for Finance, Victorian Government, and the Members of Parliament for having my 50-year journey commemorated through a ceremonial stamp release. Being born in a small, remote village in Tamil Nadu and honored… pic.twitter.com/QXl4yQZURi
— Ilaiyaraaja (@ilaiyaraaja) September 22, 2026
‘இளையராஜாவின் 50’ இசைப் பயணம்:
இளையராஜாவின் 50 ஆண்டுகால திரையுலகப் பயணத்தை முன்னிட்டு ‘ராஜா 50’ என்ற பெயரில் உலகளவில் இசை நிகழ்ச்சிகள் நடைபெற்று வருகின்றன. இதன் ஒரு பகுதியாக ஆஸ்திரேலியாவிலும் அவர் நிகழ்ச்சிகளை நடத்தி வருகிறார்.அடுத்ததாக செப்டம்பர் 26ஆம் தேதி சிட்னியிலும், அக்டோபர் 5ஆம் தேதி பிரிஸ்பேனிலும் இசை நிகழ்ச்சிகள் நடைபெற உள்ளதாக தகவல்கள் தெரிவிக்கின்றன.ஆஸ்திரேலிய நாடாளுமன்றத்தில் கிடைத்த இந்த அங்கீகாரம், இளையராஜாவின் ஐந்து தசாப்த கால இசைப் பயணத்தை நினைவுகூரும் முக்கிய நிகழ்வாக அமைந்துள்ளது.