2026 FIFA உலகக்கோப்பை கால்பந்து தொடரின் அரையிறுதிப் போட்டியில் இங்கிலாந்தை 2-1 என்ற கோல் கணக்கில் வீழ்த்திய அர்ஜென்டினா, தொடர்ந்து இரண்டாவது முறையாக உலகக்கோப்பை இறுதிப்போட்டிக்கு முன்னேறி அசத்தியுள்ளது.
விறுவிறுப்பாக நடைபெற்ற இந்தப் போட்டியில், 55-வது நிமிடத்தில் கோல் அடித்த இங்கிலாந்து முன்னிலை பெற்றது. இருப்பினும், கடைசி நிமிடங்களில் அபாரமான ஆட்டத்தை வெளிப்படுத்திய அர்ஜென்டினா, 85-வது நிமிடத்தில் சமநிலை கோலைப் பதிவு செய்தது. தொடர்ந்து காயம் நேர ஈடுசெய்யப்பட்ட நேரத்தில் கிடைத்த வாய்ப்பை கோலாக மாற்றி வெற்றியை உறுதி செய்தது.
இந்த வெற்றியின் மூலம் உலகக்கோப்பை இறுதிப்போட்டியில் ஸ்பெயினை எதிர்கொள்ள அர்ஜென்டினா தகுதி பெற்றுள்ளது. மறுபுறம், அரையிறுதியில் தோல்வியடைந்த இங்கிலாந்து, மூன்றாவது இடத்திற்கான போட்டியில் பிரான்ஸை சந்திக்க உள்ளது.
இங்கிலாந்து மற்றும் அர்ஜென்டினா அணிகள் மோதிய பரபரப்பான கால்பந்து போட்டியின் முதல் பாதி கோல் ஏதுமின்றி முடிவடைந்தது. தொடக்கம் முதலே இரு அணிகளும் வேகமான ஆட்டத்தை வெளிப்படுத்தி, தாக்குதல் முயற்சிகளில் ஈடுபட்டன.
நடுகளத்தில் பந்தை கட்டுப்படுத்த இரு அணிகளும் கடுமையாக போராடின. சில நல்ல கோல் வாய்ப்புகள் உருவானாலும், இரு அணிகளின் பாதுகாப்பு வீரர்களும் கோல் கீப்பர்களும் சிறப்பாக செயல்பட்டு அவற்றை தடுத்தனர். முதல் 45 நிமிடங்கள் முடிவில் இங்கிலாந்து 0–0 அர்ஜென்டினா என சமநிலை நீடித்தது. இரண்டாம் பாதியில் முன்னிலை பெற இரு அணிகளும் தீவிரமாக களமிறங்கும் சூழல் உருவானது.
இரண்டாம் ஆட்டத்தின் போக்கையே மாற்றிய அர்ஜென்டினா, இங்கிலாந்துக்கு எதிராக 2-1 என்ற கோல் கணக்கில் அபார வெற்றியை பதிவு செய்தது. 55-வது நிமிடத்தில் இங்கிலாந்து முன்னிலை பெற்றாலும், கடைசி நிமிடங்களில் அதிரடி காட்டிய அர்ஜென்டினா இரண்டு கோல்கள் அடித்து வெற்றியை தட்டிச் சென்றது.
