நேற்று வெளியான மாஸ்க் திரைப்படம் தமிழ் திரையுலகில் வளர்ந்து வரும் நடிகர் கவினுக்கு ஒரு வலுவான படியாக அமைந்துள்ளது. விக்ரணன் அஷோக் இயக்கிய இந்த படத்தில் ஆண்ட்ரியா, சர்லீ, பவன் உள்ளிட்ட பலர் இணைந்து நடித்துள்ளனர். ஜி.வி.பிரகாஷ் இசையமைத்திருக்கும் இந்த திரைப்படம் வித்தியாசமான கதையமைப்புடன் திரையரங்கில் ரசிகர்களை கவர்கிறது.
திரைப்படத்தின் மையக் கரு தேர்தல் காலத்தைச் சுற்றி சென்று, மக்களுக்கு வழங்க வேண்டி ஒரு சூப்பர் மார்க்கெட்டில் பெரும் தொகை பணம் பதுக்கப்பட்டுள்ளது. அந்தப் பணம் மர்ம நபர்களால் கொள்ளையடிக்கபடுவது கதையின் திருப்புமுனை. அதை யார் எடுத்தார்கள், ஏன் எடுத்தார்கள் என்பதைக் கண்டுபிடிப்பதற்காக ஹீரோவும், வில்லனும், மற்ற கதாபாத்திரங்களும் இணைந்து பின்னிப் பிணையும் சம்பவங்கள் படத்தின் முக்கிய இயக்க சக்தி. கதையின் ஆழத்தை படம் பார்க்கும்போது தான் முழுமையாக புரிந்துகொள்ள முடியும்.
நடிப்பில் அனைவரும் சிறப்பாக திகழ்ந்துள்ளனர், குறிப்பாக ஆண்ட்ரியா கிரே ஷேடில் அசத்தல். நல்லவரின் உள்ளே இருக்கும் கெட்டதும், கெட்டவரின் உள்ளே இருக்கும் நல்லதையும் அழகாக வெளிப்படுத்துகிறது மாஸ்க். ஜி.வி.பிரகாஷின் பின்னணி இசை படத்தின் த்ரில்லர் உணர்ச்சியை உயர்த்துகிறது. இரண்டாம் பாதி மிகுந்த ஈர்ப்புடன் நகர்கிறது.
ஆனால் முதல் பாதி ஓரளவு மெதுவாக போவதும், பாடல்கள் சரியாகப் பொருந்தாததும் சிறிய குறை. எனினும் புதிய கோணத்தில் ஒரு த்ரில்லர் நாடகத்தை விரும்புவோருக்கு மாஸ்க் நிச்சயம் நல்ல தேர்வு.
